ტობავარჩხილის ვერცხლისფერი ტბები

ჯგუფის შეკრება. მოსამზადებელი დღე

მონაკვეთი: თბილისი/ბათუმი → ზუგდიდი → სოფელი მუხური
დილით ადრე გამოვდივართ თბილისიდან/ბათუმიდან დასავლეთ საქართველოს მიმართულებით.
ვიკრიბებით ზუგდიდში, ვეცნობით ერთმანეთს და მყუდრო რესტორანში ვსადილობთ. შემდეგ მივდივართ სოფელ მუხურში. ვისვენებთ საოჯახო სასტუმროში, განვიხილავთ მარშრუტის დეტალებს. ვემზადებით ლაშქრობისთვის და ზურგჩანთებს საბოლოოდ ვაწესრიგებთ.

ასვლა ნათიფურუს მთაზე და გადასვლა ოხოჯეს ტბაზე

მონაკვეთი: სოფელი მუხური → ნათიფურუს მთა (2055) → ოხოჯეს უღელტეხილი → ოხოჯეს ტბა
მანძილი / აღმართი / დაღმართი: ~8 კმ / ↑1160 მ / ↓660 მ
ბილიკის აღწერა: დილით ადრე ყველგანმავალი ავტომობილებით ნათიფურუს მთაზე (2055 მ) ავდივართ, საიდანაც ჩვენი გზა იწყება. მივდივართ ალპურ მდელოებზე, ვეშვებით წიწვოვან ტყეში და ჩანჩქერებთან. აქ შევისვენებთ და მთის მდინარესთან ვისადილებთ. შემდეგ ნელ-ნელა ავდივართ ოხოჯეს უღელტეხილზე, იქიდან კი ოხოჯეს ტბისკენ მივეშურებით, სადაც ღამეს გავათევთ.

გზა ტობავარჩხილის ტბისკენ

მონაკვეთი: ოხოჯეს ტბა → აღმოსავლეთ ტობა → ტობავარჩხილის ტბა
მანძილი / აღმართი / დაღმართი: ~5 კმ / ↑500 მ / ↓350 მ
ბილიკის აღწერა: ჯერ აღმოსავლეთ ტობას უღელტეხილი (2880 მ) უნდა გადავლახოთ. ტბისკენ ქვიან მონაკვეთებსა და თოვლიან ფერდობებზე ვეშვებით. ტბასთან ბანაკს გავშლით.

ტობავარჩხილის შემოგარენის დაზვერვა

მონაკვეთი: ტობავარჩხილის ტბა → დიდგალი → კალიაში → ერწკემი → ტობავარჩხილის ტბა
მანძილი / აღმართი / დაღმართი: ~? კმ / ↑? მ / ↓? მ
ბილიკის აღწერა: ამ დღეს რეგიონის სხვა მყინვარულ ტბებს დავუთმობთ: დიდგალს, კალიაშს და ერწკემს. ისინი სილამაზით არ ჩამოუვარდებიან ტობავარჩხილს, თუმცა მთებში არიან მიმალულები. შემდეგ ტბის ჩრდილო-აღმოსავლეთ ქედზე ავალთ და ხეობაში დავეშვებით. მთელ დღეს მსუბუქად ვსეირნობთ, მთის წყლებში ვბანაობთ, საღამოს კი ტობავარჩხილის ნაპირზე, ჩვენს ბანაკში ვბრუნდებით.

დაშვება მაგანას ჩანჩქერთან და მდინარე ჯოლორასთან

მონაკვეთი: ტობავარჩხილის ტბა → მაგანა → ჯოლორა
მანძილი / აღმართი / დაღმართი: ~12 კმ / ↑300 მ / ↓2000 მ
ბილიკის აღწერა: დროა დავტოვოთ ტობავარჩხილი და მაგანას ჩანჩქერისკენ დავეშვათ. შემდეგ გზას მდინარე ჯოლორასკენ გავაგრძელებთ. ამ დღეს სერიოზული დაღმართი გველოდება, ამიტომ ფრთხილად სიარულია საჭირო, განსაკუთრებით ციცაბო მონაკვეთებზე. ბანაკს მდინარესთან ახლოს გავშლით.

ლაშქრობის დასასრული. დაბრუნება

მონაკვეთი: მდინარე ჯოლორა → კიმახომას თავშესაფარი → სოფელი წკური → თბილისი/ბათუმი
მანძილი / აღმართი / დაღმართი: ~8 კმ / ↑970 მ / ↓330 მ
ბილიკის აღწერა:
მივდივართ კიმახომას თავშესაფრამდე. აქ ჩვენი საფეხმავლო მარშრუტი სრულდება. ცოტას დავისვენებთ, შემდეგ კი სატვირთო მანქანით სოფელ წკურში დავეშვებით, სადაც თბილისისკენ ან ბათუმისკენ მიმავალი ტრანსპორტი დაგვხვდება.

*მათთვის, ვისაც დასვენების გაგრძელება სურს, შესაძლებელია დამატებითი გასვლა შავი ზღვის სანაპიროზე შეკვეთილსა და ურეკში — იდეალური საშუალებაა მთის აქტიური თავგადასავლის შემდეგ განსატვირთად.