არწივის კანიონი: თავგადასავალი ხეობაში

8:30-ზე ვიკრიბებით მეტრო 300 არაგველთან და მივდივართ არწივის კანიონისკენ.
გზას დაახლოებით 2-2,5 საათი დასჭირდება.

მანქანიდან ვიღებთ ზურგჩანთებს და ხეობაში ვეშვებით. აქ იწყება ყველაზე საინტერესო ნაწილი. ჯერ ბევრ ვერტიკალურ კიბესა და ციცაბო ბილიკს დავძლევთ. ჩანჩქერის თავზე გავივლით. ქვებზე ვიძრომიალებთ. გველოდება თოკებით დაშვება დაზღვევით და მდინარეზე გადასვლა. ირგვლივ კი სილამაზეა: ლიანები, ხვიარა მცენარეები, კლდეები და დაბლა მოხმაურე წყალი.

ტრეკის ეს ნაწილი სულ რაღაც 6 კილომეტრია, მაგრამ მის გავლას 3-დან 5 საათამდე მოვუნდებით. მაგარი ემოციები გარანტირებულია :)

ყველა დაბრკოლების გავლის შემდეგ, ხეობიდან ტყეში, პატარა ტბასთან ამოვალთ და იქ ცხელ ჩაის დავლევთ.

დაახლოებით 19 საათზე თბილისისკენ დავიძვრებით.