საქართველო

გარეჯის უდაბნოს ფერადი ბორცვები

დაისვენე ქალაქის ხმაურისგან, ნახე ბეკონის მსგავსი ბორცვები, ისუნთქე სუფთა ჰაერით და გაიარე შენი 10 000 ნაბიჯი!

120 GEL

განრიგი

დაჯავშნე ადგილი

1 დღე

ხანგრძლივობა

საშუალოზე დაბალი

სირთულე

10 კმ

მანძილი

↑↓450 მ

აღმართი / დაღმართი

ჯგუფური ჰაიკების განრიგი

ხელმისაწვდომია ინდივიდუალურ ფორმატში

რას ნახავ მარშრუტზე

ჩვენი თავგადასავალი იწყება უგზოობაზე მგზავრობით, გარეჯის ველების სივრცეებში. გზად შეგვხვდება ნაგაზების მეთვალყურეობის ქვეშ მყოფი ცხვრის ფარები.

პირველი გაჩერება — დიდებული ქვიშაქვის კლდეებია, რომლებშიც დრომ და ქარმა უცნაური ფორმები გამოკვეთა. ასეთ რბილ ქანებში საუკუნეების განმავლობაში იკვეთებოდა სამონასტრო სენაკები.

მათ შემდეგ წინ მრავალწყაროს წყალსაცავი გადაგვეშლება. მანქანას იქვე ვტოვებთ და ლეგენდარული ფერადი მთების მწვერვალზე ავდივართ. მილიონობით წლის წინ აქ უძველესი ზღვის ფსკერი იყო და დღეს ჩვენ პირდაპირ მის ისტორიაზე შეგვიძლია სეირნობა.
წითელი და ვარდისფერი ზოლები ნიადაგში არსებული რკინის დამსახურებაა.
ყვითელი ფენები — ეს უძველესი ქვიშაქვაა.
თეთრი ორნამენტები — ზღვის მარილის, ცარცისა და კირქვის კვალია.

კაშკაშა ზოლების გამო მათ ხშირად ბეკონს ადარებენ. ჩვენ ბევრს ვისეირნებთ მათ შორის და პირდაპირ ფეხქვეშ არსებულ კოსმოსურ პეიზაჟებს დავაკვირდებით.

ფერადი ბორცვებიდან ჩამოსვლისას, გავივლით ქვიშის გორებს, სადაც გამოქვაბული სენაკების ნაშთებია შემორჩენილი. მერე კი გავალთ დაბლობზე, რომელიც სურეალისტურ ფერად მთებსა და კლასიკურ ველის ბორცვებს ყოფს. სწორედ მათზე გავაგრძელებთ გზას და თუ გაგვიმართლა, კუებსაც შევხვდებით.
ლაშქრობას პატარა ეკლესიასთან და წყაროსთან დავასრულებთ, სადაც დავისვენებთ და ჩაის დავლევთ. იქიდან კი მანქანასთან დავბრუნდებით.

ფინალური წერტილი იქნება იოანე ნათლისმცემლის მონასტერი (ნათლისმცემელი). ეს VI საუკუნის მოქმედი გამოქვაბულების კომპლექსია. აქვე, მონასტერში, ვნახავთ კლდეში ნაკვეთ ცენტრალურ ტაძარს, რომლის შიგნითაც შემორჩენილია XII საუკუნის უნიკალური ფრესკები, მათ შორის თამარ მეფის და ამ გამოქვაბულების შემქმნელი ოსტატის გამოსახულებები. აქ ძველი არხებისა და რეზერვუარების სისტემებსაც კი ნახავთ, რომლებსაც ბერები მშრალ უდაბნოში წყლის შესაგროვებლად იყენებდნენ.

მარშრუტის თავისებურებები

ტურის განმავლობაში ბორცვებზე ვსეირნობთ. ისინი ძალიან მაღალი არ არის, მაგრამ თავისებური ზედაპირი აქვთ, რომელიც გამომშრალ, დახეთქილ თიხას ჰგავს. ამიტომ მნიშვნელოვანია შეარჩიოთ კომფორტული, მდგრადი ფეხსაცმელი მოჭიდების მქონე ძირით. ძალიან გირჩევთ გამოიყენოთ სალაშქრო ჯოხები, ეს დაგაზღვევთ დაღმართებსა და აღმართებზე. მარშრუტზე არის რამდენიმე მონაკვეთი, სადაც ბორცვის ფერდობზე ვიწრო ბილიკით მივდივართ. მნიშვნელოვანია ეს გაითვალისწინოთ, თუ სიმაღლის ძალიან გეშინიათ.

*გახსოვდეთ, რომ ეს არის ჰაიკი — ფეხით ლაშქრობა მთის ან ტყის ბილიკებზე ღამისთევის გარეშე, რაც მოითხოვს მოხერხებულ ფეხსაცმელს და პატარა ზურგჩანთას წასახემსებლით, მაშინ როცა გასეირნება — უბრალოდ ფეხით დასვენებაა, ხშირად ქალაქის ფარგლებში ან კეთილმოწყობილ პარკებში.

სირთულის დონე მითითებულია ამ კატეგორიის მარშრუტებისთვის.