ლაგოდეხი:
გურგენიანის ჩანჩქერი

1 დღე

ხანგრძლივობა

მარტივი

სირთულე

17 კმ

მანძილი

↑↓750 მ

აღმართი / დაღმართი

მარშრუტი ლაგოდეხის ეროვნულ პარკში გადის. პირველ რიგში რეინჯერებთან ვრეგისტრირდებით და ბილიკს ვადგებით. მივყვებით მდინარე ნინოსხევს, მერე კი მასზე გადავდივართ. შემდეგ ჩვენი გზა მდინარის გამხმარ, ქვიან კალაპოტზე გადის და ჩრდილიან ფართოფოთლოვან ტყეში შედის. მაღლა სერპანტინით ავდივართ, რომელიც წიფლებით, რცხილებითა და ნეკერჩხლებითაა გარშემორტყმული, ირგვლივ კი ყველაფერი თვალწარმტაცი სვიებითაა დახლართული. გზად რამდენიმე გადასახედს შევხვდებით, საიდანაც ტყით დაფარული ბორცვების ხედები იშლება. ბილიკის ბოლოს, მოსახვევში, 40-50 მეტრის სიმაღლის დიდებული ჩანჩქერი იმალება. ცხელ ამინდში მის აუზში ბანაობა და გაგრილებაც შეიძლება. იქვე, ქვებზე ჩაის დავლევთ, დავისვენებთ და იმავე გზით დავბრუნდებით.

როგორ ჩავიცვათ?
რა წავიღოთ თან?

მნიშვნელოვანია სწორად ეკიპირება, რომ მოგზაურობამ მაქსიმალური სიამოვნება მოგიტანოს. გადახედე მოკლე ინსტრუქციას ტანსაცმლისა და ფეხსაცმლის შესახებ.

გამოგვყევი სოციალურ ქსელებში