მარშრუტები სირთულის მიხედვით განსხვავდება:
 • მარტივი ჰაიკებისთვის სპეციალური ფიზიკური მომზადება საჭირო არ არის.
 • საშუალო სირთულის მარშრუტებისთვის მინიმალური აქტივობა დაგჭირდებათ — თუ ხშირად სეირნობთ და აქტიური ცხოვრების წესით ცხოვრობთ, ეს საკმარისი იქნება.
 • რთულ მარშრუტებზე რეკომენდაციას ვუწევთ მათ, ვისაც მინიმუმ საბაზისო სპორტული მომზადება აქვს. მარშრუტის არჩევამდე დეტალები ჩვენთან დააზუსტეთ.

წყალი და მსუბუქი წასახემსებელი აუცილებლად თან უნდა გქონდეთ.
ჯავშნის შემდეგ დაგამატებთ შეხვედრის ჩატში, სადაც გეტყვით, კონკრეტულად რა დაგჭირდებათ ამ მარშრუტისთვის. სიას ამინდის გათვალისწინებით ვადგენთ, რომ არაფერი დაგავიწყდეთ.

აღჭურვილობიდან ყველაზე მნიშვნელოვანი კომფორტული ფეხსაცმელია — მას კარგი ძირი (პროტექტორი) უნდა ჰქონდეს. გამოდგება სალაშქრო ბოტასები ან თრეილრანინგის კროსოვერები.
ზოგიერთი მარშრუტისთვის გირჩევთ სალაშქრო ჯოხებს. თუ არ გაქვთ, შეგვიძლია სიმბოლურ ფასად გაგაქირავოთ.

თუ რომელიმე მარშრუტისთვის რაიმე სპეციფიკური დაგჭირდებათ, ამის შესახებ ლაშქრობის გვერდზე იქნება მითითებული და წინასწარაც აუცილებლად შეგატყობინებთ.

ამინდის პროგნოზს ყოველთვის წინასწარ ვამოწმებთ. თუ ძლიერი წვიმა ან სახიფათო პირობებია მოსალოდნელი, რამდენიმე ვარიანტს გთავაზობთ:
 1. ლაშქრობის სხვა თარიღით ჩანაცვლება.
 2. მარშრუტის შეცვლა უფრო უსაფრთხო ალტერნატივით.
 3. თანხის სრული დაბრუნება.
ცუდ ამინდში, როცა ეს შეიძლება სახიფათო იყოს, ლაშქრობას არ ვატარებთ, თუმცა თქვენი სურვილისამებრ შეგვიძლია მარშრუტი დავაკორექტიროთ.

ტრანსპორტირებას ჩვენ უზრუნველყოფთ — ყველგანმავლებით, მინივენებით ან მიკროავტობუსებით

ჩვენს მარშრუტებზე სტუმრებს ცივი წასახემსებლებითა და ცხელი ჩაით ვუმასპინძლდებით.

გიდებს ყოველთვის ისე ვანაწილებთ, რომ ერთი ჯგუფის სათავეში იყოს, მეორე კი ბოლოში — ეს ყველას ერთად ყოფნაში გვეხმარება.
ჩვენმა გიდებმა მარშრუტი კარგად იციან და უსაფრთხოებას უზრუნველყოფენ, თუ მათ რეკომენდაციებს მიჰყვებით.
თითოეულ გიდს აქვს პირველადი დახმარების უნარები და თან აქვთ აფთიაქი, რომლის გამოყენებაც იციან.