გავდივართ 10:00-ზე მეტრო 300 არაგველიდან
მივდივართ კომფორტული მიკროავტობუსით. გზად შეგვიძლია მოკლე გაჩერებები გავაკეთოთ: მაღაზიაში შესასვლელად ან საპირფარეშოსთვის.

თვითონ ბორჯომში მყუდრო რესტორანში შევივლით სასადილოდ.
*რესტორანში კვება ფასში არ შედის.

სადილის შემდეგ მსუბუქად გავისეირნებთ ქალაქში. ზამთრის ბორჯომი ძალიან მყუდროა. განსაკუთრებით საღამოს, როცა საშობაო ილუმინაციები ინთება.

დაახლოებით 19:00-ზე მივდივართ ქვაბისხევში, თავშესაფრისკენ. ჩასვლისას ავიღებთ ნივთებს და ჩვენი საშობაო მოგზაურობა ზამთრის ზღაპარში იწყება. ვივლით თოვლში ფანრებით, ნაძვებსა და კლდეებს შორის.

ღუმელს დავანთებთ, სიმყუდროვეს შევქმნით, გირლიანდებს ჩამოვკიდებთ და მუსიკას ჩავრთავთ.
ამ თბილ გარემოში გვექნება დრო საუბრისთვის, სამაგიდო თამაშებისთვის. ან ცოტა წავიმუშავებთ კიდეც: ჩიტებისა და ცხოველებისთვის ეკო-საკვებურებს დავამზადებთ და ნაძვებზე ჩამოვკიდებთ.

ტერიტორიაზე არის კოცონის ადგილი, თუ ამინდი ხელს შეგვიწყობს, ცეცხლს დავანთებთ.
გავალთ გარეთ, ვარსკვლავებს შევხედავთ და ცეცხლთან გავთბებით.

დასაძინებლად რბილ მატრასებზე მოვეწყობით, ზამთრის ტყის სიჩუმეში — ასეთი საღამოს შემდეგ ძილი განსაკუთრებით ღრმაა.
*დაგჭირდებათ საძილე ტომარა

ვიღვიძებთ სიჩუმეში, აუჩქარებლად ვსაუზმობთ შელტერში.
დროა დღის შუქზეც გავისეირნოთ და ვნახოთ, სად აღმოვჩნდით :)

ვიბარგებით და უკან ვბრუნდებით.
სურვილისამებრ, გზად შეგვიძლია ისევ შევიაროთ ბორჯომში რომელიმე რესტორანში, შემდეგ კი გამოვემგზავრებით თბილისისკენ.