10:00-ზე ვიკრიბებით მეტრო ავლაბართან და მივდივართ Gori-ს მიმართულებით.
გზას დაახლოებით ერთი საათი დასჭირდება.

ვსვამთ ყავას, ვეცნობით ცხენებს, ვათვალიერებთ გარემოს :)
ვიხურავთ ჩაფხუტებს, ვიცვამთ დამცავ ჟილეტებს: მანეჟზე საწყისი ინსტრუქტაჟი გველოდება. როგორ ვმართოთ ცხენი, როგორ შევჯდეთ და ჩამოვიდეთ. როგორ ვიჯდეთ უნაგირზე და რა ვუყოთ ფეხებს.

მანეჟის შემდეგ მაშინვე მივდივართ 2-საათიან გასეირნებაზე შემოგარენში. მივდივართ მწკრივში, ნაბიჯით, მშვიდ ტემპში. მთელი ორი საათი უნაგირზე ჯდომა არ მოგიწევთ. შუა გზაზე პატარა შესვენებაც გვექნება.

გასეირნების შემდეგ ჭამის დროა. თივის ზვინებთან სუფრას გავშლით და ვიპიკნიკებთ. იქნება ქათმის მწვადი, ყველი, ბოსტნეული და შოთი.

დაახლოებით 18:00-19:00-ზე ვსხდებით მანქანაში და თბილისისკენ ვიძვრებით. დავბრუნდებით იქ, საიდანაც დავიწყეთ: მეტრო ავლაბართან.